Гэр бүл төлөвлөлт, ХДХВ/ДОХ, БЗДХӨ, Умайн хүзүү, хөхний хорт хавдарын эрт илрүүлгийн ач холбогдол

#Эрүүл #иргэн-#Өрхийн #хөгжил аян үргэлжлэж байна. Дүүргийн ИТХ-ын Ажлын алба, дүүргийн Эрүүл мэндийн төвтэй хамтран 4-р сарыг эрүүл мэндээ хамгаалах сар болгон зарлаж "Эрүүл иргэн - Өрхийн хөгжил" сургалт, үйл ажиллагааг зохион байгуулж байна. Аяны хүрээнд 2018.04.17-ны өдөр 17 дугаар хорооны Иргэний танхимд орчны эрүүл ахуйн бохирдолоос үүдэлтэй "Халдварт өвчнөөс урьдчилан сэргийлэх", Эрүүл мэндийн тухай хууль тогтоомжийг таниулан сурталчлах сургалт, мэдээллийг өрхийн Эрүүл мэндийн төвийн Эрүүл мэнд, нийгмийн ажилтан Б.Хишигбуян иргэдэд өглөө. Сургалтад дүүргийн ИТХ-ын Төлөөлөгч, Засаг дарга В.Хүрэлбаатар, ИТХ-ын Тэргүүлэгч Х.Алтаншагай, ИТХ-ын Төлөөлөгч Д.Мөнхтөр болон тус хорооны 38 иргэн оролцлоо.

Харъяа 140-р сургууль, 222, 174, 103-р цэцэрлэгүүдэд "Томуу томуу төст өвчнөөс урьдчилан сэргийлэх" үзлэгийг хийж дууслаа.

Тарваган тахал нь нянгаар үүсгэгддэг, халдвартай мэрэгч амьтад, бүүргээр дамжин халдварладаг тунгалгийн зангилаа, уушиг, ходоод гэдсийг зонхилон гэмтээдэг зоонозын цочмог халдварт өвчин. Манай улсын 17 аймгийн 137 сум тарваган тахлын байгалийн голомттой. Халдвар дамжих зам : • Шууд хавьтал (тахлаар өвчилсөн тарвага агнах, арьс өвчих, мах эвдэх..) • Агаар дусал • Дам халдвар (мэрэгч амьтдын бөөс, бүүрэгт хазуулах) • Хоол боловсруулах зам (тарваганы түүхий эд, эрхтэн залгих, дутуу чанасан мах идэх) Нууц үе : Хэдэн цагаас 6 хоног, дунджаар 2-3 хоног Эмнэл зүйн хэлбэр : • Арьсны хэлбэр • Булчирхайн хэлбэр • Уушгины хэлбэр • Үжил хэлбэр • Гэдэсний хэлбэр • Залгиур хоолойн хэлбэр Шинж тэмдэг : • 38-40 хэм хүрч халуурах • Суга, цавь, хүзүү, тунгалгийн булчирхай цочих, хөдөлгөөнгүй маш их эмзэглэлтэй болох • Бүх бие булчингаар шархирч өвдөх • Толгой өвдөх • Ханиалгах • Цустай цэр гарах • Амьсгалахад хүндрэлтэй болох • Бөөлжих • Хэвлийгээр өвдөх • Суулгах Урьдчилан сэргийлэх : • Тарвага агнахгүй байх • Тарваганы мах идэхгүй байх • Түүхий эд, эрхтэнг хэрэглэхгүй байх • Тарвагыг нохойгоор бариулахгүй байх, урхи, хавхаар агнахгүй байх • Тарваганы түүхий мах эд, эрхтэнг хот суурин газарт оруулахгүй байх • Хүүхдийг тарваганы дошон дээр тоглуулахгүй, унтуулахгүй байх • Шимэгчид хазуулахаас сэргийлж дайжуулагч хэрэглэх • Тарваган тахлын эсрэг вакцин тариулах • Гэр орондоо агнасан тарвага, арьс хадгалахгүй байх • Гэр орондоо мэрэгч амьтан орохоос сэргийлж тор хийх, май тавих.., • Нохойг байнга уяатай байлгах • Үхсэн, хөдөлгөөн удааширсан тарваганд хүрэхгүй байх • Үхсэн тарвага, мэрэгч амьтдын тухай зоонозын өвчин судлалын төвд яаралтай мэдээлэх (70282853, 70284393) • Тарваган тахлын эрсдэлд өртсөн, эмнэлзүйн шинж тэмдэг илэрсэн тохиолдолд харьяа эрүүл мэндийн байгууллагад яаралтай мэдээлж дуудлага өгөх. ЭРҮҮЛ МЭНДИЙН ЯАМ

Нийслэлийн эрүүл мэндийг дээдлэгч өрх, ЧД-ийн эрүүл мэндийг дээдлэгч өрхөөр шалгарсан Л. Нэргүйн гэр бүл болон Эрүүл мэндийг дээдлэгч иргэн ЭМССТ Д.Ядмаа нарыг өрхийн эрүүл мэндийн төвийн ажилчид хүлээн авч уулзаж баяр хүргэлээ. Эрүүл мэндийн үйлсэд хамтран зүтгэж ажилладаг та бүхэндээ баярлаж талархсанаа илэрхийлье.

Урьдчилан сэргийлэх үзлэгийг сар тутам цэцэрлэгүүд дээр хийж байна. 2017 оны 02 сарын 23-ны өдөр 222- цэцэрлэг дээр үзлэг хийлээ. Нийт 116 хүүхэд хамрагдлаа.

Сайн дурын байгууллагуудын сулжээ ТББ-аас зохион байгуулагдсан 2017 оны "Шилдэг сайн дурын үйлс" шалгаруулах уралдаанд 200 гаруй хүн оролцосноос ЧД-ийн 17 дугаар хорооны "Мөнх-Үйлстэн" ӨЭМТ-ийн ЭМССТ ахмад настан Д.Ядмаа амжилттай оролцож "Шилдэг сайн дурын зүтгэлтэн" гээр шалгарлаа. Хамтран ажилласан ЭМТ, ДЗОУБ, 17 дугаар хорооны ажлын алба, ахмадын зөвлөл, ЗӨСҮТ-ийн хамт олондоо баярлаж талархаснаа илэрхийлье. ЭМССТ Д.Ядмаа ахдаа цаашдын ажил хөдөлмөрт нь улам их амжилтыг хүсий эрүүл энх урт удаан наслаарай иргэдийнхээ эрүүл мэндийн төлөө хичээн зүтгэж яваа таньд баярлаж талархсанаа илэрхийлье.